Om Jostein Bildøy

Som familiefar for 3 søner, der eldstemann hadde ein utfordrande multihandikap (eller samansett/nedsett funksjonsevne) fekk Jostein Bildøy spørsmål om å fortelje korleis det å var å vere ein funksjonshemma familie». NAV Hjelpemiddelsentralen i Sogn og Fjordane bestilte det førsteinnlegget hausten 2003. Fleire ville ha desse foredraga som vart presentert i novelleform i 2004-2008. I 2009 -2010 var Jostein Bildøy med i ei prosjektgruppe under Livsmeistringssenteret i HelseFørde med oppgåve å dele erfaringar og tankar om sorgprosessen med eit barn for lite, etter tap av eldstesonen i 2007.

I 2009 fekk foretaket J Bildøy JOVISJON prosjektmidler frå Den norske kyrkja for å utvikle kommunikasjons- og undervisningsmateriell knytt til konfirmantundervisning formultifunksjonshemma. Dette resulterte i boka «Eg óg» utgitt på IKO Forlaget AS i 2011. Som mentor for utviklingsarbeidet for lokale trusopplæringsplanar i Den norske kyrkja i perioden 2008-2016 var fokus på inkluderande barne- og ungdomsarbeid uavhengig av funksjonsevne i kyrkjelydane eit av fleire grunnleggande tema. I 2016 er Jostein Bildøy involvert gjennom fleire tillitsverv i FFO ogBjørgvin bispedøme, og frå 2017 i Helse Vest Regionalt Brukarutval, i arbeidet med å løfte fram fokus på både rettar og løysingar for inkludering i kvardagen.

Arbeidet med inkludering er i stadig endring og møter nye og tradisjonelle haldningar i kvar generasjon. Å vere menneske med nedsett funksjonsevne er utfordrandre for mange, sjølv om landet vårt er leiande i dette arbeidet på verdsbasis.